Իրաքում ՀՀ դեսպան Հրաչյա Փոլադյանը հանդիպեց Իրաքի գյուղատնտեսության նախարար, հայ-իրաքյան միջկառավարական հանձնաժողովի համանախագահ Մոհամեդ Քարիմ Ջասին ալ-Խաֆաջիին։

20 օգոստոսի, 2021

Oգոստոսի 20-ին դիվանագիտական առաքելության ավարտի կապակցությամբ՝ Իրաքում ՀՀ դեսպան Հրաչյա Փոլադյանը հանդիպեց Իրաքի գյուղատնտեսության նախարար, հայ-իրաքյան միջկառավարական հանձնաժողովի համանախագահ Մոհամեդ Քարիմ Ջասին ալ-Խաֆաջիին։ Հանդիպման ընթացքում քննարկվեցին հայ-իրաքյան հարաբերություններին վերաբերող հարցերի լայն շրջանակ, մասնավորապես երկու երկրների միջև առկա գյուղատնտեսական ներուժը, անդրադարձ կատարվեց երկկողմ իրավապայմանագրային դաշտում գործող փաստաթղթերին։ Նախարար ալ-Խաֆաջին շնորհակալություն հայտնեց դեսպան Հրաչյա Փոլադյանին համագործակցության և կատարված արդյունավետ աշխատանքի համար, ինչպես նաև ափսոսանք հայտնեց նրա տեղափոխման համար՝ նշելով Հր․Փոլադյանի գլխավորությամբ՝ Իրաքում ՀՀ դեսպանության յուրահատուկ դերը և նրա կատարած աշխատանքը վերջին տարիներին երկկողմ հարաբերությունների զարգացման համատեքստում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր